غادي نبدا ليكم قصتي منين خديت الباك حيت من قبل كانت حياتي روتينية و
مهمولة علاش ??!! مكنتش من نوع لي كتصاحب و ضحك ماشي حيت معقدة مي بالنسبة
ليا مكاينش لي يستاهل ... سميتي حنان اسم على غير مسمى خلاتها ماما ههه
عندي 18 عام طويلا وضعيفة شعري دايرالو كوب كاغسون كحل حيت مافيا منجبد
الفتنة ومن جيها اخرى مكنتش مقتانعة بالحجاب (الله يسمحلي) مي كنت كنصلي و
عارفة بيني و بين الله كنت دايرة علوم الحياة والأرض ونجحت بتفوق ماشي حيت
كنت كنموت على لقراية مي أصلا مكان عندي ميدار ماما كانت صارمة معايا تلفزة
مكنشوفهة من حد لحد ونيت درت قرايتي سبة باش نهرب من الزواج حيت كلا مرة
كان كيتقدملي واحد من العائلة غير لمكفس لخوه ها ولد عمتي من لعروبية ها
ولد خالتي لمبنت من فرانسا خصوصا هاذا كان عزيز على ماما وكانت كتحاول
تقنعني بيه مي الحمد لله لي كاين بابا الحنين راجل درويش ديما كيوقف فصفي
ويدافع عليا واخا معدوش سلطة كبيرة على ماما مي كان نافعني معاها ...
ماعلينا ملي خديت باك كان عندي حلم واحد هو ندخل لكلية الطب ولكن ماكتابش
حلمي تبخر لسبب واحد هو باك صاحبي .. شفت حتى عييت ودفعت للافاك وخا كان
عندي شحال من ختيار قلت ندارب حتى انا ونعيش جو لافاك ومن بعد نشوف شنو
ندير ..داكشي لي درت داز شهر لقيت راسي مزيرة فلقرايا نعاس مكنشوفوش مع
تمارة ديال طوبيس خالتي لي ففرانسا سمعت بلي درت لافاك عرفات شنو غدي نحتاج
سيفطاتلي بورطابل اخر موديل و بييسي و شي لباس انا لباس كان اخر همي حيت
مكيعجبنيش نتير نتباه كنت مضروبة غير على لكحل .. كان مفرحني غير تيليفون
اول مرة فحياتي نخدم بيه وليت مكنحطوش غير كندخل دار كنجمعو باش ماما
متغوتش وتحيدولي مع لمدة تعلمت فيه شحال من حاجة عاد وليت تنفهم كيفاش نخدم
لانتيرنيت بويفي فلافاك ... واحد النهار خرجت من لافاك وبقيت كنتسنى طوبيس
تعطل عليا قلت مع راسي نضربها على رجلي وانا غادا تزيرت وبغيت ندخل
لطواليط مي طريق خاوية وكاين غير اوطيل قامي اشمنك يا اوطيل خمس نجوم شفت
حتى عييت قلت والله حتى ندخل ... دخلت لقيت لقدية عامرة ماكاينش لي
ينتابهلي على مافهمت عندهم شي ناس مهمين بقيت تابعة زحام باش مينتبهوليش
حتى وصلاتني رجلي للمطعم ديال لوطيل بانتلي واحد بنيتة صغيرة سولتها على
طواليط ووجهاتني غير دخلت لقيت بنات الطبقة الراقية كلا وحدة منين كطلعني
مدتهاش
Subscribe by Email
Follow Updates Articles from This Blog via Email
No Comments